મિહિર અમદાવાદ, ગ્રાહકોની જાણ બહાર તેમના નામ પર સિમ કાર્ડ ઇસ્યૂ કરી કંબોડિયા અને દુબઇમાં ક્રિકેટ સટ્ટા બેટિંગમાં કાર્ડ આપતા વધુ એક આરોપીઓની સાયબર ક્રાઈમ બ્રાન્ચે ધરપકડ કરી છે. કંબોડિયા અને દુબઇ માં ક્રિકેટ સટ્ટા બેટિંગ અને કોલ સેન્ટર માં આ કાર્ડ નો ઉપયોગ થતો હતો.

એરટેલ કંપનીના કર્મચારીઓ
જો તમે સીમકાર્ડ માટે નામ ટ્રાન્સફર કરો છો કે નવું ખરીદો છો તો એ દરમિયાન તમારા નામે નવું સીમકાર્ડ નીકળી ના જાય તે ધ્યાન રાખજો. સાયબર ક્રાઈમ બ્રાન્ચે ગ્રાહકો ની જાણ બહાર સિમ કાર્ડ ઇસ્યૂ કરતા 3 આરોપીઓની ધરપકડ કરી હતી જેમાં વધુ એક આરોપી ની પોલીસે ધરપકડ કરી છે . દુબઇમાં રહેતો અને દુબઇના ક્રિકેટ બેટિંગ સટ્ટા કોલ સેન્ટર સાથે સંકળાયેલા કુલદીપ જોશીની ધરપકડ કરી છે. અગાઉ પકડાયેલા એરટેલ કંપનીના કર્મચારીઓ આરોપીઓ કુલદીપ જોશી ની સિમ કાર્ડ ઇસ્યૂ કરી ને વેચતા હતા. અગાઉ સાયબર ક્રાઈમએ આ કેસ માં એરટેલ સિમ કાર્ડ વેચતા એજન્ટ વિજય રાવલ , શુભમ ભરાડિયા અને કિરણ ઠક્કરની ધરપકડ કરી હતી.

સિમ કાર્ડ ઇસ્યૂ કર્યા
આરોપીઓએ ગુજરાતના લોકોના નામે બે વર્ષમાં 1000 થી વધુ સિમ કાર્ડ ઇસ્યૂ કર્યા હતા. સિમ કાર્ડ દુબઇ અને કંબોડિયા ગયા હતા. સિમ કાર્ડ અને ક્રિકેટ સટ્ટા બેટિંગ પાછળ મુખ્ય સૂત્રધાર દુબઇ ના ભાવેશ જોશી ,અને કનુ વારાહી છે. જે ગુજરાતના સિમ કાર્ડ દુબઇમાં રીસીવ કરતા હતા. પકડાયેલ આરોપી કુલદીપ જોશી , બે વર્ષ દુબઇ માં અલગ અલગ જગ્યા એ ક્રિકેટ બેટિંગ સટ્ટા ના કોલ સેન્ટરમાં કામ કરતો હતો. એક સિમ કાર્ડ 1500 રૂપિયા માં વેચતા હતા. માત્ર ગ્રાહકો નહીં પણ આરોપીઓ કન્સ્ટ્રકાશન કોલોની માં જઈ મજૂરો ના નામે પણ સિમ કાર્ડ કઢાવી લેતા.

કુલદિપ વોટ્સએપ થકી વાત કરતો
સિમ કાર્ડ કૌભાંડના મુખ્ય આરોપી ભાવેશ અને કનુ વારાહી હાલ દુબઇમાં છે. કુલદીપ જોશી ભાવેશ માટે કામ કરતો હતો. સિમ કાર્ડ લેવા ગુજરાત માં માટે કુલદિપ આવતો હતો. એરટેલના એજન્ટ જોડે કુલદિપ વોટ્સએપ થકી વાત કરતો હતો. કુલદીપના આવે તો એની ઓળખીતા લોકો કે જેઓ ગુજરાત થી દુબઇ આવતા હોય તેમની પાસે સિમકાર્ડ રીસીવ કરાવતો હતો. કંબોડિયા માં જે સિમ કાર્ડ વપરાય છે તે એરટેલ ના હોય છે નેટવર્ક ઇસ્યૂ ના કારણે એરટેલની ડિમાન્ડ વધુ છે. સાયબર ક્રાઈમ દ્વારા નાગરિકોને અપીલ કરવામાં આવી છે કે જો તમારી જાણ બહાર સિમ કાર્ડ નીકળ્યા છે કે નહીં તે એફકો ડિપાર્ટ મેન્ટ આવેલ છે. ત્યાં જઈ તમારા નામ પર કેટલા સિમ કાર્ડ છે તે ચેક કરવું જોઈએ જેથી આવી પ્રવૃત્તિ અટકે.