બનાસકાંઠાઃ ધાનેરામાં નેશનલ હાઇવેની બેદરકારીના પાપે ખાડામાં ગાડી ફસાઈ જતા એક મહિલાનું મોત થયું હતું. વૃદ્ધ મહિલાની ગાડી ખાડામાં ફસાઈ જતા એક કલાક સુધી ગાડી નીકળી હતી. તેના કારણે ગાડીમાં જ આ વૃદ્ધ મહિલાનું મોત થયું હતું અને અનેકવારની રજૂઆતો છતાં છેલ્લા એક વર્ષથી ધાનેરામાં આ પરિસ્થિતિ છે.

ધાનેરામાં રેલવે ઓવરબ્રિજની નીચે પડેલા ખાડાઓ મોતના ખાડા બની રહ્યા છે. અનેકવારની રજૂઆતો છતાં નેશનલ હાઇવે ઓથોરિટી દ્વારા આ ખાડા રીપેર ન કરાતા આખરે આજે એક વૃદ્ધ મહિલાનું મોત મૂક્યું હતું. વીંછીવાડી ગામની વૃદ્ધ મહિલાને સારવાર હોસ્પિટલ લઈ જવાતી હતી.

ઓવરબ્રિજ નીચે પડેલા ખાડાઓમાં આ વૃદ્ધ મહિલા દર્દીની ગાડી ફસાઈ જતા એક કલાક સુધી આ ગાડીઓમાંથી નીકળી ન હતી. તેને કારણે આ વૃદ્ધ મહિલાએ ગાડીમાં જ દમ તોડી દીધો હતો. ત્યારે ધાનેરામાં ખાડાઓને લઈને અનેકવાર અકસ્માતો સર્જાય છે.

નેશનલ હાઈવે ઓથોરિટીને લોકોએ પણ વારંવાર રજૂઆતો કરી છે. પરંતુ છેલ્લા એક વર્ષથી આ ખાડા કામ કરેલી કરી રહેલી નેશનલ હાઈવે ઓથોરિટીના પાપે આજે એક વૃદ્ધાનું મોત થયું છે અને જેને લઈને નેશનલ હાઈવે ઓથોરિટી સામે રોષ પ્રસરી રહ્યો છે.

ધાનેરામાં પડેલા સામાન્ય વરસાદમાં જ અંદાજે 100 જેટલાં નાના-મોટા ખાડા પડ્યાં છે. પરિણામે અનેક સાધનો ખાડામાં ફસાઈ ગયા હતા. જેમાં વીંછીવાડીથી ધાનેરા હોસ્પિટલ ખાતે સારવાર માટે આવતા 75 વર્ષીય શારદાબેન પણ હતા. તેમની ગાડી એક કલાક સુધી ગાડી ફસાઈ જતા હોસ્પિટલ પહોંચે એ પહેલાં જ મોત થયું હતું. જો કે, પરિવારજનોએ ભારોભાર રોષ વ્યક્ત કર્યો છે અને તંત્રને ખાડા પૂરવા માટે અપીલ કરી છે.

છેલ્લા એક વર્ષથી ધાનેરામાં ખાડા રાજ યથાવત્ જ છે. નબળી નેતાગીરી અને યોગ્ય રજૂઆતના અભાવે ખાડા રાજનો માહોલ યથાવત્ જ છે. ત્યારે ધાનેરાના ટીઆરબી અને જીઆરડી જવાનો ખાડા પુરવાના કામે લાગ્યા હતા. જેની જવાબદારી છે તે લોકો એસી ઓફિસમાં આરામ કરી રહ્યા છે અને પોલીસ તંત્રએ માનવતા બતાવી ખાડા પુરવાનું કામ કર્યું હતું.