Vadodara: રાજ્યમાં દિવસે-દિવસે સ્પીડમાં કાર હાંકનારા નબીરાઓનો ત્રાસ વધતો જઈ રહ્યો છે. ત્યારે વડોદરામાં નવમા નોરતે નશામાં ધૂત કારચાલકે હંગામો મચાવ્યો હતો. કારચાલકે યુવતીને અને બાઈકને અડફેટે લઈ ટક્કર મારી ઈજા પહોંચાડી હતી. તેમજ રોંગ સાઈડ જતાં ટ્રાફિક હેડ કોન્સ્ટેબલ સાથે ઝપાઝપી કરવાની ઘટના સામે આવી છે. હાલ પોલીસે સમગ્ર મામલે ગુનો નોધી વધુ તપાસ હાથ ધરી છે.

મળતી માહિતી અનુસાર નશામાં ધૂત કારચાલકે યુવતીને ટક્કર મારી હતી. જે બાદ કાર ચાલકે રોંગ સાઈડ જતા ટ્રાફિક હેડ કોન્સ્ટેબલ સાથે ઝપાઝપી કરી અપશબ્દો બોલ્યા હતા. તેમજ કાચચાલકે રાહદારીઓ સાથે પણ બોલાચાલી કરી હતી. પોલીસે આરોપી દેવેન્દ્રસિંહ સિંધાની વૈભવી કાર કબજે કરી નશામાં ધૂત કારચાલક સામે માંજલપુર પોલીસ સ્ટેશને ગુનો નોંધ્યો છે. નોંધનીય છે કે, આરોપી માંજલપુર સત્વ અરોમા ફ્લેટનો રહેવાસી છે.