Ahmedabad: બાવળા તાલુકાના બગોદરામાં આવેલી પ્રાથમિક શાળામાં શિક્ષિકાની નિર્દયતાનો ગંભીર કિસ્સો સામે આવ્યો છે. શાળામાં ફરજ બજાવતા અમીબેન નામના શિક્ષિકાએ એક વિદ્યાર્થીને લાકડી વડે બેરહેમ રીતે માર માર્યાનો આક્ષેપ થતા સમગ્ર વિસ્તારમાં ચકચાર મચી ગઈ છે.

પ્રાપ્ત માહિતી મુજબ, શિક્ષિકાએ વિદ્યાર્થીને શિસ્તના નામે લાકડીથી માર માર્યો હતો, જેના કારણે વિદ્યાર્થીના હાથ પર સોજો આવી ગયો હતો. ઘટનાની જાણ થતા જ રોષે ભરાયેલા વાલીએ તાત્કાલિક 112 નંબર પર ફોન કરીને પોલીસને જાણ કરી હતી.

લેટેસ્ટ સમાચાર જાણવા અહીં ક્લિક કરી જોડાઓ અમારી Whatsapp Channel સાથે

આ ઘટનાની જાણ મળતાની સાથે જ બગોદરા પોલીસ ઘટનાસ્થળે પહોંચી હતી અને મામલાની ગંભીરતા ધ્યાને લઈ વધુ તપાસ હાથ ધરી છે. ઇજાગ્રસ્ત વિદ્યાર્થીને સારવાર માટે નજીકની હોસ્પિટલમાં ખસેડવામાં આવ્યો હતો, જ્યાં તેની સારવાર ચાલી રહી છે. નોંધનીય છે કે, શાળામાં બનેલી આ ઘટનાને પગલે અન્ય વાલીઓમાં પણ ભારે રોષ જોવા મળી રહ્યો છે. વાલીઓ દ્વારા શિક્ષિકા સામે કડક કાર્યવાહી કરવાની માંગ ઉઠી છે. આ ઘટનાએ ફરી એકવાર શાળાઓમાં વિદ્યાર્થીઓની સુરક્ષા અને શિક્ષકોની જવાબદારી અંગે પ્રશ્નો ઉભા કર્યા છે. હાલ પોલીસ અને શિક્ષણ વિભાગ દ્વારા સમગ્ર મામલે તપાસ કરવામાં આવી રહી છે.