Ahmedabad Plane Crash: એર ઇન્ડિયાનું ડ્રીમલાઇનર વિમાન AI 171 અકસ્માતનો ભોગ બન્યું. આ વિમાન ગુરુવારે ગુજરાતના અમદાવાદમાં ક્રેશ થયું. વિમાનમાં 242 લોકો સવાર હતા. 241 લોકોએ જીવ ગુમાવ્યા, ફક્ત એક મુસાફર બચી ગયો. અકસ્માત બાદ બચાવ કામગીરી ચાલુ છે. પીએમ મોદી અમદાવાદમાં છે. ગુરુવારે ગૃહમંત્રી અમિત શાહ પહોંચ્યા હતા. તેમની સાથે રાજ્યના મુખ્યમંત્રી પણ હાજર છે. આ સાથે પીએમ મોદી સિવિલ હોસ્પિટલ પહોંચ્યા છે.

વડાપ્રધાન નરેન્દ્ર મોદી સિવિલ હોસ્પિટલ પહોંચ્યા છે જ્યાં દુર્ઘટનામાં ઇજાગ્રસ્ત પરિવારનો મળ્યા. વડાપ્રધાન મોદીએ સિવિલ હોસ્પિટલમાં ઇજાગ્રસ્તોની મુલાકાત લીધી હતી. તેઓ ટ્રોમા સેન્ટરની પણ મુલાકાત લઇ શકે છે. પીએમ નરેન્દ્ર મોદીએ અમદાવાદ વિમાન દુર્ઘટનામાં બચી ગયેલા રમેશ વિશ્વાસ કુમારને પણ મળ્યા છે. તેમણે સિવિલ હોસ્પિટલમાં સારવાર લઇ રહેલા ઇજાગ્રસ્તોના ખબરઅંતર પૂછ્યા હતા.