અમદાવાદ: આજરોજ અમદાવાદના નરેન્દ્ર મોદી સ્ટેડિયમમાં IPL-2025ની ફાઈનલ મેચ બેંગલોર અને પંજાબ વચ્ચે રમાવાની છે. ત્યારે ફાઈનલ મેચ જોવા દેશભરમાંથી ક્રિકેટ રસીયાઓ અમદાવાદ ખાતે આવી પહોંચ્યા છે. પરંતુ આ બધાની વચ્ચે હવામાન વિભાગની આગાહી કરી છે કે આજનો વરસાદ IPLની ફાઈનલ મેચમાં મુશ્કેલી લાવી શકે છે. આજે અમદાવાદમાં હળવાથી મધ્યમ વરસાદની આગાહી કરવામાં આવી છે.

વીજળીના કડાકાભડાકા સાથે સાંજે અમદાવાદમાં વરસાદ પડી શકે છે. આગામી ત્રણ દિવસ હળવાથી મધ્યમ વરસાદની આગાહી કરવામાં આવી છે. 9 જૂનથી વરસાદનું જોર ઘટી શકે છે. અમદાવાદમાં 39 ડિગ્રી આસપાસ તાપમાન રહી શકે છે. હાલ પવનની દિશા દક્ષિણ પશ્ચિમ રહેતા વરસાદની શક્યતા જોવા મળી રહી છે.