સુરતઃ શહેરમાં રહેતા એક મૂળ અફઘાનિસ્તાનના નાગરિક વિરુદ્ધ ફરિયાદ નોંધાઈ છે. સુરત શહેર ક્રાઇમ બ્રાન્ચમાં આ ગંભીર કેસ મામલે ગુનો નોંધાયો છે.

આ મામલે શહેર ક્રાઇમ બ્રાન્ચે આરોપી મોહમદ આમીર જાવીદ ખાનની ધરપકડ કરી છે. આરોપીએ ભારતીય નાગરિકતા સ્થાપિત કરવા માટે નકલી જન્મ પ્રમાણપત્ર બનાવ્યું હતું. ત્યારબાદ તેના આધારે ખોટી રીતે ભારતીય પાસપોર્ટ, આધારકાર્ડ, પાનકાર્ડ અને ચૂંટણીકાર્ડ જેવા મહત્ત્વના દસ્તાવેજો બનાવવાનો આરોપ લગાવવામાં આવ્યો છે. શ્રમ અધિકારીની કાર્યવાહી બાદ આ સમગ્ર કૌભાંડનો પર્દાફાશ થયો છે.

આ કાવતરા અને ખોટા દસ્તાવેજો બનાવવા બદલ મોહમદ આમીર જાવીદ ખાન અને તેના વોન્ટેડ સાગરીત અગજાન વિરુદ્ધ ભારતીય ન્યાય સંહિતા તથા ભારતીય પાસપોર્ટ એક્ટ-1967ની કલમ 12(1) મુજબ ગુનો દાખલ કરવામાં આવ્યો છે. આરોપી એક વર્ષ પહેલા પરિવાર સાથે સુરત આવ્યો હતો

આરોપી ભારતીય પાસપોર્ટના આધારે UAE અને અફઘાનિસ્તાન જઈને આવ્યો છે. આરોપીએ બોગસ ડોક્યુમેન્ટ મહારાષ્ટ્રમાંથી બનાવ્યા હતા. આ અંગે હાલ તપાસ ચાલી રહી છે. પકડાયેલો આરોપી સુરતમાં કાપડનો ધંધો કરતો હતો. હોલસેલ માર્કેટમાંથી કાપડ લઈને અલગ અલગ રાજ્યોમાં વેચતો હતો.